Hvolsvegur 9a, 860 Hvolsvöllur
Tilboð
Atvinnuhús
4 herb.
299 m2
Tilboð
Stofur
1
Svefnherbergi
5
Baðherbergi
3
Inngangur
Sér
Byggingaár
1984
Brunabótamat
108.060.000
Fasteignamat
41.835.000




FANNBERG FASTEIGNASALA EHF, sími: 487-5028
ATVINNUHÚSNÆÐI OG ÍBÚÐ VIÐ HVOLSVEG 9A Á HVOLSVELLI.
Til sölu er 300 fm íbúðar- og atvinnuhúsnæði á tveimur hæðum á frábærum stað við Hvolsveg 9a í miðbæ Hvolsvallar. Það er í næsta nágrenni við grunnskóla, fyrirhugaðan leikskóla og íþróttaaðstöðu bæjarins. Á neðri hæð er starfandi tannlæknastofa og rekstur hennar er einnig til sölu. Húsnæðið hentar jafnframt vel til annars konar atvinnureksturs eða sem íbúðir. Á efri hæð og hluta neðri hæðar er rúmgóð, björt og falleg íbúð og á lóðinni er veglegur upphitaður garðskáli með eldunaraðstöðu og sólpallur sem tengir skálann við aðalbygginguna. Sérinngangur er fyrir hvora hæð fyrir sig en innangengt um allt rýmið.
Lóðin er 1470 fm hornlóð með innkeyrslu að báðum hliðum. Við inngang atvinnuhlutans er rúmgott bílaplan með slitlagi og við inngang íbúðarhlutans er snyrtilegt malarborið bílaplan. Garðurinn er vel gróinn og fallegur.
Nánari lýsing:
Aðalbyggingin er reisulegt 274 fm timburhús á tveimur hæðum með kjallara, klætt að utan með Steni. Það er byggt árið 1984. Á efrihæð þess er íbúðarhúsnæði sem teygir sig inn á hluta neðri hæðar, alls 170 fm. Hinn hluti neðri hæðarinnar, 104 fm, er nýttur undir atvinnurekstur. Á lóðinni stendur einnig bjartur og glæsilegur 25 fm garðskáli með eldunaraðstöðu, byggður árið 2003 í sama stíl og húsið.
Íbúðarhluti:
Gengið er inn í forstofu á jarðhæð en þaðan er farið inn í íbúðarherbergin á neðri hæð. Þaðan er líka innangengt í tannlæknastofuna. Í forstofu er stigi sem liggur upp í íbúðina á annarri hæð. Þar er stigapallur með fatahengi og þaðan er gengið inn í alrými stofu og eldhúss. Eldhúsinnréttingin er vönduð eikarinnrétting. Inn af eldhúsi er vel einangrað flísalagt þvottahús sem auðvelt er að lofta og kæla í búrhitastig án þess að það hafi áhrif í íbúðinni. Góð einangrun hússins alls hefur skilað mjög hagkvæmri kyndingu.
Uppi er gengið úr alrýminu inn í fjögur svefnherbergi, sem í dag eru þrjú, en auðvelt er að breyta aftur í fjögur. Fataherbergi er inn af hjónaherbergi. Flísalagt baðherbergi er með sturtu og innréttingu. Á öllum öðrum gólfum á efri hæð er nýtt harðparket.
Frá anddyri liggur sólpallur meðfram húsinu að garðskála sem stendur aðeins frá. Skálinn er í sama stíl og aðalbyggingin. Í honum er gólfhiti sem gerir hann að góðum íverustað jafnt að sumri sem vetri. Hann er að mestu gler á tvær hliðar og hálft þakið. Eldunaraðstaða er í skálanum með aðgangi að heitu og köldu vatni. Utan við hann er sólpallur og stétt á tvær hliðar en verkfærageymslur á hinar tvær ásamt útivaski. Lagnir til að tengja klósett liggja nærri svo auðvelt væri að bæta því við.
Atvinnuhluti:
Neðri hæð má samkvæmt skipulagi nýta hvort sem er fyrir íbúð eða þjónustu. Þar eru nú 104 fm. í notkun fyrir tannlæknastarfsemi. Annað rými á jarðhæð er ennþá notað sem hluti af íbúð og sameiginlegu rými, alls 65 fm.
Jarðhæðin er sérstaklega hönnuð fyrir tannlæknaþjónustu, með fjórum rúmgóðum aðgerðarstofum og miðlægri móttöku ásamt rúmgóðri biðstofu. Tvær stofanna eru búnar tannlæknatækjum og á miðlæga rýminu er einnig röntgenklefi og sótthreinsiaðstaða. Sérstök aðstaða er einnig fyrir tannsmíðar og WC starfsfólks. Á biðstofu er snyrting fyrir gesti. Biðstofan er flísalögð en atvinnurýmið er að öðru leyti lagt vínyldúki. Við suðurhlið hússins er stórt bílaplan og sérinngangur fyrir biðstofu tannlæknastofunnar.
Undir hluta af jarðhæðinni er kjallari og frá honum liggja lagnastokkar í gólfi yfir í allar aðgerðarstofurnar.
Jarðhæðina mætti auðveldlega nýta fyrir ýmsa aðra starfsemi eða íbúðir.
Almennt:
Mikil veðursæld er á Hvolsvelli og gróskumikil trjárækt. Stutt er í alla þjónustu á svæðinu. Þar er meðal annars grunnskóli sveitarfélagsins, Hvolsskóli, stórt íþróttahús, sundlaug, íþróttavellir og Héraðsbókasafnið í næsta nágrenni við húsið. Hafin er bygging á stórum leikskóla sem einnig er í næsta nágrenni.
Hvolsvöllur er staðsettur á miðju Suðurlandi í nálægð við mikla náttúrufegurð og fjölsótta ferðamannastaði. Bærinn er í þægilegri fjarlægð frá Höfuðborgarsvæðinu og er í mikilli uppbyggingu. 
Húsið við Hvolsveg 9a er vel byggt og traust hús sem býður upp á mikla möguleika fyrir margskonar starfsemi við hjarta bæjarins, inni á skilgreindu miðbæjarsvæði Hvolsvallar.

Kaupendur greiða engin umsýslugjöld.

Allar nánari upplýsingar veitir Ágúst Kristjánsson lgf, gsm 893-8877, netfang: [email protected]

https://www.hvolsvollur.is/
https://visithvolsvollur.is/ 




 

Senda fyrirspurn um eignina

Skilaboð hafa verið send.